Desa Bebetin

Desa Adat Bebetin ngelaksanayang Upakara Pengatep Karya-Pujawali, Mepadudusan Alit Caru Warespati Kalpa Madia Lan Gempong Asu ring Pura Dalem Kahyangan lan Prajapati (Soma Umanis Bala, 28 Oktober 2019). Upakara punika kelaksanayang saking Warespati Kliwon Wuku Menail (17 Oktober 2019) ngantos Warespati Wage wuku Bala (31 Oktober 2019).

Wenten daging dudonan upacarane punika , menekadi :

1. Warespati Kliwon Wuku Menail (17 Oktober 2019) kelaksanayang matur piuning karya lan Meguru Piduka nanceb lan mekarya tetaring genah-genah upakara.
2. Anggara Kliwon Wuku Pranbakat (22 Oktober 2019) kelaksanayang nunas Tirta Pemuket anggen Negtegang lan Ngingsah.
3. Buda Umanis Wuku Pranbakat (23 Oktober 2019) kelaksanayang melaspas tetaring, pecaruan Panca Sata lan Negtegang Karya lan Ngadegang Ida Bhatara Rare Angon, Tapini, Pengemit Karya lan Ngingsah taler newasain karya
4. Sukra Pon Wuku Pranbakat (25 Oktober 2019) kelaksanayang nunas Tirta Pemuput : ring Kahyangan Tiga, Pr. Dalem Puri, Pr Penataran Besakih, Pr. Pengibeh Desa Bebetin taler upakara Mepepada Wewalungan.
5. Saniscara Wage Wuku Pranbakat (26 Oktober 2019) kelaksanayang Ida Bhatara melasti ring segara Sangsit.
6. Redita Kliwon Wuku Bala (27 Oktober 2019) kelaksanayang Memben Upakara Puncak
7. Soma Umanis Wuku Bala (28 Oktober 2019) kelaksanayang Puncak Karya Pujawali-Catur Rebah , Caru Warespati Kalpa Madia lan Mapadudusan Alit ring Jeroan Pura Dalem, Pecaruan Gempong Asu ring Jaba Tengah Pura Dalem, Puncak Karya ring Prajapati Pusat; Bebangkit Pregembal, Catur Rebah Caru Gempong Asu lan Mapedudusan Alit, Puncak KArya ring Pr Prajapati soang-soang banjar/tempek, Medengen-dengen lan Menek kelih Rajasinga lan Raja Swala pemilet metatah
8. Anggara Paing Wuku Bala (29 Oktober 2019) kelaksanayang Ngekeb lan metatah, Pengayar, Mejaya-jaya Pemilet Metatah lan Pewintenan Pemangku
9. Saniscara Umanis Wuku Bala (30 oktober 2019) kelaksanayang Penganyar II ring Pr Dalem lan Penganyar ring Pr Prajapati
10. Warespati Wage Wuku Bala (31 Oktober 2019) kelaksanayang Ngaturang Pengeremek Karya ke Segara, Penganyar III lan Nyineb Ida Bhatara ring Pr Dalem, Penganyar III lan Nyineb Ida Bhatara Pr. Prajapati